Mayor Sara: Drug testing sa kompanya kinahanglan ang ordinansa

Tuesday, June 19, 2012

SUPORTAHAN ni Davao City Sara Duterte-Carpio ang lakang sa City Anti-Drug Abuse Council nga mapatuman sa kinatibuk-an ang random drug testing sa mga pribadong kompaniya dinhi sa siyudad.

Ipatuman kini sa mga kompanya nga may 50 ka empleyado subay sa lakang nga mapitol ang mga empleyado sa pagkalambigit sa ilegal nga druga.

Have something to report? Tell us in text, photos or videos.

Apan ang maong lakang nagkinahanglan pa og ordinansa nga aprubado sa Sangguniang Panlungsod.

"Kung makabuhat sila og ordinance nga walay human rights nga ma-violate, akong suportahan," pahayag sa mayor sa iyang senemanang press briefing sa City Hall.

Unang gibutyag ni Atty. Eliseo R. Braganza sa City Anti-Drug Abuse Council nga dako kining ayuda aron mapakita kung unsa ka-seryoso ang lokal nga gobyerno kaabag ang nagkadaiyang sektor sa pakigbatok niini sa druga.

Nasayran nga may ordinansa nang gipasar diha sa konseho labot niini nga naaprobahan na sa unang pagbasa.

Ang ordinansa anaa na karon gi-refer sa Committees on Peace and Public Order, Health, and Labor and Employment Opportunities sa konseho.

Tumong niini, himuong rekisitos sa pag-renew sa business permit sa kompanya ang pagpailawom sa mga empleyado sa drug test.

Pipila ka sektor nagpadayag sa ilang pagsupak tungod kay nakalapas kini sa tawhanong katungod.

"I don't think nga magbuhat sila (mga konsehal) og ordinance nga violative sa human rights," pahayag ni Duterte-Carpio.

Sa pikas bahin, gibutyag sa mayor nga padayon ang ilang random drug testing sa mga empleyado sa City Hall aron masigurong way migamit og druga.

"Naay mga empleyado nga morag adik tan-awon, pero dili gyud na sila mga adik," pahayag sa mayor sa mga tigbalita. (Alger P. Dura)

Gipatik sa mantalaang SuperBalita Davao Hunyo 20, 2012.

sweet home alabama etch a sketch the host hoodie hoosiers temperance world bank